Yehova
Bitenta bimobimo bya Yehova
Dibwe—Kup 32:4; Isa 26:4
Mfumu Mwinē Lupusa Lonso—Isa 25:8; Amo 3:7
Mufundiji Mukatakata—Isa 30:20
Mukatakata—Bah 1:3; 8:1
Mulopwe wa nyeke ne nyeke—1Tm 1:17; Kus 15:3
Mwinē Bukomo Bonso—Ngo 17:1; Kus 19:6
Mwine wa Peulu Mwine—Ngo 14:18-22; Ñi 7:17
Tata—Mat 6:9; Yoa 5:21
Yehova wa bibumbo—1Sa 1:11
Dijina dyandi
Dijina Yehova dishintulula kishima pa kishima “Yewa Wikadija Ke”
Lelo Yehova wikalanga ke ani, nansha i mingilo’ka yaingilanga mwanda wa kukwatakanya bengidi bandi?
Mwanda waka buujila bwa dijina dya Leza kyo kintu kya mvubu mpata?
Mwanda waka Yehova ye Umbikadi wa Diulu ne Ntanda mwine otufwaninwe kukōkela?
Muswelo wa kwingidila Yehova
Le i bika bilombola’mba Yehova kalombengapo bengidi bandi bintu byokebabwanyapo kulonga?
Bimfwa bya mu Bible bibwanya kukukwasha:
Kup 30:11-14—Bijila byāpelwe bene Isalela kupityila kudi Mosesa kebyādipo bikomo byokebabwanyapo kukōkela
Mat 11:28-30—Yesu mwine wiwile Shandi mu muswelo mubwaninine wakulupija balondi bandi amba aye i Mfumwabo, utūjañana
Mwanda waka Yehova i mufwaninwe kutendelwa?
Ñi 105:1, 2; Isa 43:10-12, 21
Tala ne Yel 20:9; Luk 6:45; Bil 4:19, 20
Bimfwa bya mu Bible bibwanya kukukwasha:
Ñi 104:1, 2, 10-20, 33, 34—Kaimba wa mitōto wamone mu bupangi bubinga bumulengeja embile Yehova mitendelo
Ñi 148:1-14—Bupangi bumweka na meso pamo ne bamwikeulu bonso batendelanga Yehova, nanshi netu tufwaninwe kumutendela
Lelo mwiendelejo wetu ubwanya kulengeja namani bantu bakwabo batendele Yehova?
Mwanda waka tufwaninwe kufwena kudi Yehova?
Lelo kwityepeja kubwanya namani kwitukwasha tufwene kudi Leza?
Lelo kutanga Bible ne kulangulukila’po bibwanya namani kwitukwasha tufwene Yehova pabwipi?
Mwanda waka i kya mvubu tulonde mu būmi byobya byotwifunda padi Yehova?
Mwanda waka ketufwaninwepo kutompa kufya Yehova kintu nansha kimo?
Yob 34:22; Nki 28:13; Yel 23:24; 1Tm 5:24, 25
Bimfwa bya mu Bible bibwanya kukukwasha:
2Ba 5:20-27—Ngehazi wakimbe kufya bubi bwandi, ino Yehova wape mupolofeto wandi Edisha bukomo bwa kusokola bubine
Bil 5:1-11—Ba Ananaisa ne Safaila abasokolwa kadi abaipaibwa pa mwanda wa kubepela kobabepela mushipiditu ujila
Ngikadila imo mikatampe ya Yehova
Le Yehova ukomenejanga namani buujila bwandi, ne le kuyuka’mba ye Ujila kufwaninwe kulengeja bengidi bandi balonge bika?
Div 28:36; Lev 19:2; 2Ko 7:1; 1Pe 1:13-16
Bimfwa bya mu Bible bibwanya kukukwasha:
Isa 6:1-8—Mupolofeto Isaya walēmenenwa bidi pa kumona muswelo wakomeneja Yehova buujila bwandi, inoko selafimi umo wamuvuluja’mba enka ne bantu ba bubi babwanya nabo kwikala batōka ku meso a Leza
Lo 6:12-23; 12:1, 2—Mutumibwa Polo washintulula muswelo otubwanya kulwa na mutyima wetu wa kulonga bubi ne kwenda “mu buujila”
Lelo bukomo bwa Yehova i bukatampe namani, ne i mu miswelo’ka imoimo yaingidijanga’bo?
Div 15:3-6; 2Bi 16:9; Isa 40:22, 25, 26, 28-31
Bimfwa bya mu Bible bibwanya kukukwasha:
Kup 8:12-18—Mupolofeto Mosesa wavuluja bantu amba bintu byonso bilumbuluke byobadi nabyo, i pa mwanda’tu wa Yehova wingidija bukomo bwandi na buntu mwanda wa kwibakwasha
1Ba 19:9-14—Yehova waingidija bilomboji bya bukomo bwandi mwanda wa kukankamika mupolofeto wandi Ediya, mwine utyimukilwe mutyima
Mwanda waka boloke bwa Yehova bo boloke bwa bine?
Kup 32:4; Yob 34:10; 37:23; Ñi 37:28; Isa 33:22
Bimfwa bya mu Bible bibwanya kukukwasha:
Kup 24:16-22—Monka mokilombwedilwe mu Bijila bya Mosesa, muswelo wingidija Yehova boloke bwandi i mukwatañane senene na lusa ne buswe bwandi
2Bi 19:4-7—Mulopwe Yehoshafata wavuluja batyibi bawatonga amba bemanine boloke bwa Yehova ke bwa muntupo
Le i bika bilombola’mba Yehova ye wa tunangu kupita bonso?
Ñi 104:24; Nki 2:1-8; Yel 10:12; Lo 11:33; 16:27
Tala ne Ñi 139:14; Yel 17:10
Bimfwa bya mu Bible bibwanya kukukwasha:
1Ba 4:29-34—Yehova waesela Mulopwe Solomone na kumupa tunangu tupite twa bantu bonso mu kitatyi’kya
Luk 11:31; Yoa 7:14-18—Yesu udi na tunangu kupita twa Solomone; ino nansha nankyo, Yesu wetyepeja ne kulombola’mba tunangu twandi tutamba kudi Yehova
Le Yehova i mulombole namani amba buswe yo ngikadila yandi mikatampe kupita yonso?
Yoa 3:16; Lo 8:32; 1Yo 4:8-10, 19
Bimfwa bya mu Bible bibwanya kukukwasha:
Mat 10:29-31—Yesu waleta kyelekejo kya misolwe mwanda wa kulombola’mba Yehova usenswe bengidi bandi bininge kadi wibakwete na mutyika
Mak 1:9-11—Yehova aye mūlu wesambe na Mwana wandi, kadi wamupe bintu bisatu bisakanga bana ku bambutwile babo—ko kunena’mba kumwitemba, kumusanswa, ne kumwitabija