KIPANGUJO 17
Le Bible ubwanya kukwasha kyobe kisaka namani?
BALUME/BASHABO
“Mu uno muswelo balume bafwaninwe kusanswa bakaji babo pamo bwa imbidi yabo abo bene. Yewa usenswe wandi mukaji wisenswe aye mwine, mwanda i kutupu muntu ushikilwe umbidi wandi aye mwine; ino wiudishanga ne kwiulela na buswe . . . Muntu ne muntu momudi’mo asanswe mukajandi mwaesanshilwe aye mwine.”
“Banwe bashabo nenu, kemwakilobejai benu bana, ino mwibatamijei na kwibalemununa ne kwibadyumuna bidyumu bya Yehova.”
BAKAJI
“Mukaji nandi ufwaninwe kulēmeka mulumyandi bikatampe.”
“Banwe bakaji, kōkelai bininge balume benu, monka mokifwaninwe mudi Mfumwetu.”
BANA
“Banwe bana, kōkelai bambutwile benu umbumo na Mfumwetu, mwanda kino’ki i kyoloke. ‘Lēmeka shobe ne inobe’ yo mbila imbajinji ne mulao ponka: ‘Amba bikwendekele biyampe kadi wikale mafuku mangi pano pa ntanda.’”
“Banwe bana, kōkelai bambutwile benu mu byonso, mwanda kino’ki kisangajanga Mfumwetu.”