KAPANGO KA BUFUNDIJI 18A
Bidyumu bya Yehova Bitala pa Divita Dikatampe
Mu Bible mudi bupolofeto buvule buleta kidyumu kitala pa divita dikatampe dine dikakubija’ko Yehova boba balwa nandi ne na bantu bandi. Kunshi’ku kudi bupolofeto bumobumo. Tala kwiifwana kwiifwene bino bidyumu, kadi yuka’mba Yehova i mulonge bukomo bwa kuyuka’mba bantu bonso i bamone mukenga wa kwibivwana ne kulonga’po kintu.
MU MAFUKU A ISALELA WA KALA
EZEKYELE: “‘Nkamwityila [Koka] kipete pa ngulu yami yonso,’ i Mfumu Mwinē Lupusa Lonso Yehova unena.”—Ezk. 38:18-23.
YELEMIA: “[Yehova] ukatyibila bantu bonso mambo. Kadi ukapāna babi ku kipete.”—Yel. 25:31-33.
DANYELE: “Leza wa mūlu ukemika bulopwe . . . Bukavingakanya ne kufudija ano malopwe onso.”—Dan. 2:44.
MU MYAKA KATWA KABAJINJI Y.M.
YESU: “Kukekala kyamalwa kikatampe kekyaikele’ko kashā tamba ku ngalwilo ya ino ntanda.”—Mat. 24:21, 22.
POLO: “Yesu . . . pamo na bamwikeulu bandi bakomokomo . . . [ukalubwila] kinongo boba kebayukilepo Leza.”—2 Ts. 1:6-9.
PETELO: “Difuku dya Yehova dikāyanga bwa ngivi, . . . ntanda nayo ne mingilo idi’mo ikasokolwa patōka.”—2 Pe. 3:10.
YOANO: “Mu kyakanwa [kya Yesu] namo mutambanga kipete kya bui, kilampe kya kukupila nakyo mizo ya bantu.”—Kus. 19:15.
MU ANO ETU MAFUKU
Bible i dibuku dyalamwinwe ne kwabanibwa bininge mu bitatyi byonso
BENGIDI BA YEHOVA BA MU ANO ETU MAFUKU . . .
Babanyanga midiyala ne midiyala ya mabuku esambila pa Bible mu ndimi tutwa na tutwa
Mwaka ne mwaka, bapityijanga mansá midiyo tutwa na tutwa mu kusapula