Kulonga Bukomo bwa Kutenga Mutyima

Nkindi 3:1

MU KĪPI: Kwasha bevwaniki bobe basangele byobefunda ne kulonga’po kintu.

MWA KULONGELA:

• Kwasha bevwaniki bobe bebandaule. Ipangula bipangujo bya bututudyatutu mwanda wa kukwasha bantu bakwivwana babandaule muswelo obeivwana.

• Wibakwashe bekale na kukanina kuyampe kwa mutyima. Kankamika bevwaniki bobe babandaule kine kyobalongelanga mingilo milumbuluke. Wibakwashe bekale na kukanina kuyampe kwa mutyima​—kusanswa Yehova, kusanswa bantu, ne bufundiji bwa mu Bible. Languluka na bevwaniki bobe; kokebashinika bishima. Pa kyaba kya kwibafwija bumvu, wibakankamike amba ku mfulo kwa mwisambo obe, bekale na mutyima wa kulonga byonso byobabwanya kulonga.

• Kokela milangwe padi Yehova. Lombola muswelo umweka ngikadila ya Leza ne buswe bwaetuswele mu bufundiji, misoñanya, ne mbila ya mu Bible. Kwasha bevwaniki bobe bekale na mutyima wa kubandaula milangwe ya Yehova ne kumusangaja.