Kulombola Patōkelela Mvubu ya Kisonekwa

Yoano 10:33-36

MU KĪPI: Kokitanga’tu enka kisonekwa wapityila kala ku mwanda mukwabo. Jingulula’mba bevwaniki bobe bevwanije biyampe kukwatañana kwa kisonekwa kyowatanga na mwanda owisambila’po.

MWA KULONGELA:

• Sañuna bishima bikatampe. Shi ubapu kutanga kisonekwa, lupwila patōka bishima bikwatañene na mwanda mukatampe owisambila’po. Ubwanya kulonga kino na kupituluka mu bino bishima nansha kwipangula kipangujo kikakwasha bevwaniki bobe bajingulule bishima bikatampe.

• Tyityija mwanda. Shi wingidija ntwelelo ya kisonekwa na bubinga bupotoloke bwa kwikitangila, shintulula mukwatañenine bishima bikatampe bya mu kisonekwa na bubinga’bwa.

• Lombola mvubu ya kisonekwa mu muswelo upēla. Leka kwisambila pa kanda ne kanda kampikwa kukwatañana na mwanda mukatampe. Kukwatañana na bintu biyukile kala bevwaniki bobe pa mwanda’wa, kimba kuyuka myanda ya kamweno amba bevwaniki bobe bapēlelwe kwivwanija mwanda senene.