10 “Nebenze mushete ne mabaya a mutshi wa musese muikale ne nkubita* ibidi ne tshitupa mu bule, nkubita umue ne tshitupa mu butshiama, ne nkubita umue ne tshitupa mu butumbuke.+ 11 Pashishe, neuwulamike or muimpe menemene.+ Neuwulamike munda ne pambelu, ne neuwunyungulule ne muelelu* wa or.+ 12 Neuwenzele bikanu bia or binayi ne neubiase ku mutu kua mikolo yawu inayi, bikanu bibidi ku luseke lumue ne bikuabu bibidi ku luseke lukuabu. 13 Newenze mikamba ne mutshi wa musese ne neuyilamike or.+ 14 Neubueje mikamba ayi mu bikanu bidi ku nseke ya Mushete bua bikale bambuilaku Mushete. 15 Mikamba neyishale mu bikanu bia ku Mushete; kabena ne bua kuyumbushaku to.+