27 “Newenze tshioshelu ne mabaya a mutshi wa musese;+ netshikale nkubita* itanu mu bule ne nkubita itanu mu butshiama. Tshioshelu netshikale ne nseke inayi ya bule bumue ne nkubita isatu mu butumbuke.+ 2 Newenze nsengu+ pa matumba atshi anayi; nsengu neyikale mienzela ku tshioshelu, ne neulamike tshiamu tshia mitaku ku tshioshelu.+ 3 Newenze mbeketshi ya kuboya nayi butu* buatshi, pamue ne bikasu, ne bibakudi, ne nsomo ne bintu bia kuambuila kapia, ne newenze bintu biatshi bionso ne tshiamu tshia mitaku.+ 4 Newenzele tshioshelu kakanu kaluka ne nkanu ya tshiamu tshia mitaku, ne bikanu binayi bia tshiamu tshia mitaku ku matumba anayi a kakanu aku. 5 Neukateke muinshi mua mubangubangu wa tshioshelu, ne kakanu nekapatukile lua pankatshi mu tshioshelu. 6 Newenzele tshioshelu mikamba ya mutshi wa musese, ne neuyilamike tshiamu tshia mitaku. 7 Mikamba neyikale ya kubueja mu bikanu bua mikamba yikale mu nseke ibidi ya tshioshelu padibu batshiambula.+ 8 Newenze tshioshelu tshikale bu mushete wa mabaya mutubuluke. Ntshia kuenza anu muvuaye Yeye mukuleje ku mukuna.+

10 Udi ne bua kuela tshioshelu tshia mulambu wa kuosha ne bintu biatshi bionso manyi, ne kujidila tshioshelu, bua tshilue tshioshelu tshitambe tshijila.+