12 Pashishe Yehowa wakambila Abalama ne: “Umbuka mu buloba buenu, uye kule ne balela bebe ne nzubu wa tatuebe, uye ku buloba bungakuleja.+ 2 Nenkuvuije tshisamba tshinene, nenkubeneshe, nemvuije dîna diebe dinene, ne neulue dibenesha.+

15 Panyima pa bualu ebu, dîyi dia Yehowa diakalua kudi Abalama mu tshikena kumona, diamba ne: “Abalama, kutshinyi to.+ Meme ndi ngabu webe.+ Difutu diebe nedikale dinene menemene.”+

5 Ke yeye kumupatula pambelu kumuambila ne: “Ndi nkulomba bua utangile muulu, ubale mitoto ni udi mua kukokesha mua kuyibala.” Mpindieu yeye kumuambila ne: “Ke mualua bana* bebe nunku.”+

2 Pashishe Nzambi wakakula ne Isalele mu tshikena kumona butuku wamba ne: “Yakoba, Yakoba!” Yeye kuamba ne: “Mmeme eu!” 3 Kuambaye ne: “Meme ndi Nzambi mulelela, Nzambi wa tatuebe.+ Kutshinyi bua kupueka mu Ejipitu to, bualu nenkuvuijamu tshisamba tshinene.+

7 Bena Isalele* bakalelangana bikole, kuluabu ba bungi, ne bakatungunuka ne kuvulangana ne kulua ne bukole bua bungi mu mushindu wa dikema; kuwulabu+ mu buloba tente.

32 Aba ke bena Isalele bavuabu bafunde bilondeshile nzubu ya batatuabu; bungi bua bantu bonso bavua mu bitudilu bavuabu bafunde bua kubuela mu tshiluilu buvua 603 550.+