17 Bua bena Isalele bavua batangila, tshimuenekelu tshia butumbi bua Yehowa tshivua anu bu kapia kadi kabutula kikale ku mutu kua mukuna.

11 “Nunku nuenu kusemena pabuipi, kuimana kuinshi kua mukuna, ne mukuna uvua utema kapia too ne mu diulu mene;* kuvua mîdima, matutu, ne mifitu mikole.+ 12 Yehowa wakabanga kuakuila nenu mu kapia.+ Nuvua bumvue anu dîyi, kadi kanuvua bamone tshintu,+ kuvua anu dîyi tshianana.+

7 Mpindieu, diakamue pavua Solomo mujikije kusambila,+ kapia kakapueka kafuma mu diulu,+ kuoshaku mulambu wa kuosha ne milambu mikuabu, ne butumbi bua Yehowa buakuwula mu nzubu.+ 2 Bakuidi bakapangila bua kubuela mu nzubu wa Yehowa, bualu butumbi bua Yehowa buvua buwule mu nzubu wa Yehowa.+ 3 Tshisamba tshijima tshia Isalele tshivua tshitangila pavua kapia kapueka ne pavua butumbi bua Yehowa pa nzubu, ne bakinama batangije mpala panshi pavua palamika mabue, kutuabu mpala panshi ne kuelabu Yehowa tuasakidila, “bualu yeye udi muimpe; dinanga diende dia lulamatu didi dishalaku kashidi.”