27 Neujidile tshiadi tshia mulambu wa kukupakaja ne tshibelu tshia tshitupa tshia tshijila, tshivuabu bakupakaje ne tshivuabu bangate ku tshimpanga tshia mukoko tshia dijadikibua mu mudimu,+ tshia ku tshivuabu bafile bua Alona ne bua bana bende. 28 Nebilue bia Alona ne bana bende ba balume bilondeshile mukenji wa kashidi udi bena Isalele ne bua kutumikila, bualu ntshitupa tshia tshijila; nebilue tshitupa tshia tshijila tshikala bena Isalele ne bua kufila.+ Ntshitupa tshiabu tshia tshijila bua Yehowa tshiangatshila mu milambu yabu ya diumvuangana.+

14 Nenudiile kabidi tshiadi tshia mulambu wa kukupakaja ne tshibelu tshia mu tshitupa tshia tshijila+ muaba wa mankenda, wewe, ne bana bebe ba balume, ne bana bebe ba bakaji badi nebe,+ bualu bintu ebi mbifila bu tshintu tshiebe ne tshintu tshia bana bebe tshia mu milambu ya diumvuangana ya bena Isalele.

20 Muakuidi udi ne bua kubikupakaja kumpala ne panyima bu mulambu wa kukupakaja kumpala kua Yehowa.+ Ntshintu tshia tshijila bua muakuidi, pamue ne tshiadi tshia mulambu wa kukupakaja ne tshibelu tshia nyama wa mulambu.+ Pashishe Munazi udi mua kunua mvinyo.