19 “Pashishe newangate tshimpanga tshikuabu tshia mukoko atshi, ne Alona ne bana bende ba balume nebatenteke bianza biabu pa mutu wa tshimpanga atshi.+ 20 Ushipe tshimpanga atshi ne wangate ndambu wa mashi atshi, uele ku lusongo lua ditshi dia ku dia balume dia Alona ne ku nsongo ya matshi a ku dia balume a bana bende ne ku biala biabu bia ku bianza biabu bia balume ne ku bana ba nkasa ba banene ba ku makasa abu a ku dia balume, ne umiamine mashi ku nseke yonso ya tshioshelu.