7 Muakuidi neele kabidi ndambu wa mashi au ku nsengu ya tshioshelu tshia musenga wa manananshi wa mupuya muimpe+ tshidi kumpala kua Yehowa mu ntenta wa kusambakena; ne neapongolole mashi onso a ngombe mulume adi mashale kuinshi kua tshioshelu tshia mulambu wa kuosha+ tshidi ku tshibuelelu tshia ntenta wa kusambakena.

14 Pashishe wakalua ne ngombe mulume wa mulambu wa mpekatu, ne Alona ne bana bende bakatenteka bianza biabu pa mutu wa ngombe wa mulambu wa mpekatu au.+ 15 Mose wakamushipa, kuangataye mashi+ ne munu wende, kuelaye ku nsengu ya tshioshelu ku nseke yonso, yeye kukezula tshioshelu ku mpekatu, kadi mashi avua mashale wakaapongolola kuinshi kua tshioshelu bua kutshijidila bua kubuikilapu mpekatu.