23 “Ambila Alona ne bana bende ba balume ne: ‘Eu ke mushindu unudi ne bua kubenesha+ bena Isalele. Nubambile ne:

24 “Yehowa anubeneshe+ ne anulame.

25 Yehowa anukenkeshile mpala wende,+ ne anuanyishe.

26 Yehowa ajule mpala wende atangile kunudi ne anupeshe ditalala.”’+

27 Nunku badi ne bua kuteka dîna dianyi pa bena Isalele+ bua meme mbabeneshe.”+

8 “Tshikondo atshi Yehowa wakateka tshisa tshia Lewi+ ku luseke bua kuambula mushete wa tshipungidi tshia Yehowa,+ bua kuimana kumpala kua Yehowa bua kumuenzela mudimu, ne bua kubenesha bantu mu dîna diende,+ anu mudibu benza too ne lelu eu.

5 “Pashishe bakuidi, bena Lewi, nebalue, bualu Yehowa Nzambi webe mmubasungule bua kumuenzela mudimu,+ bua kubenesha mu dîna dia Yehowa.+ Nebaleje mudibu ne bua kukosa tshilumbu tshionso tshidi tshitangila dienzelangana malu ne tshikisu.+

13 Bana ba balume ba Amalama bavua Alona+ ne Mose.+ Kadi bavua bateke Alona ku luseke bua kashidi,+ yeye ne bana bende ba balume, bua kujidila Muaba Mutambe Tshijila, bua kufila milambu kumpala kua Yehowa, bua kumuenzela mudimu, ne bua kubenesha bantu mu dîna diende misangu yonso.+