16 Newenze kabidi Tshibilu tshia Dinowa* dia bintu bidi bikola bia kumpala bia ku midimu yebe mikole, bia ku bintu biuvua mukune mu budimi;+ ne Tshibilu tshia Disangisha bia pa madimi* ku ndekelu kua tshidimu, pawasangisha bia pa madimi bia ku midimu yebe mikole.+

12 “‘Mu dituku dia 15 dia ngondo wa muanda mutekete nenuenze masangisha a tshijila. Kanuena ne bua kuenza mudimu mukole nansha umue, ne nudi ne bua kuenza tshibilu tshia Yehowa matuku muanda mutekete.+

13 “Newenze Tshibilu tshia Bitanda*+ matuku muanda mutekete paudi usangisha bintu bia muaba webe wa tshishipuidi, ne bia mu tshikaminu tshiebe tshia mvinyo ne tshia mafuta.

4 Pashishe bakenza Tshibilu tshia Bitanda* bilondeshile tshidibu bafunde,+ ne ku dituku ku dituku bavua balambula milambu ya kuosha bungi bulomba buvuabu bakose bua dituku dionso.+

14 Nunku bakasangana bafunde mu Mikenji ivua Yehowa muele ku butuangaji bua Mose ne: bena Isalele bavua ne bua kusombela mu bitanda* mu tshibilu mu ngondo wa muanda mutekete,+ 15 ne kabidi ne: bavua ne bua kuela lubila+ ne kumanyisha mu bimenga biabu bionso ne mu Yelushalema mujima bamba ne: “Ndayi mu buloba bua mikuna, nulue ne bisalasala bia mitshi ya olive, bia mitshi ya sapen, bia mitshi ya mirte ne malala a mabue ne bisalasala bia mitshi mikuabu bua kuenza bitanda bilondeshile tshidibu bafunde.”

16 Nunku bantu bakaya, kuluabu nabi bua kudienzela bitanda, muntu yonso pa mutu pa nzubu wende, too ne mu mbanza yabu, mu mbanza ya ku nzubu wa Nzambi mulelela,+ muaba wa tshinsangansanga wa ku Tshiibi tshia Mâyi,+ ne muaba wa tshinsangansanga wa ku Tshiibi tshia Efelayima.+ 17 Nunku bantu bonso ba mu tshisumbu bavua bapingane bafume kuvuabu babakuate baye nabu bakenza bitanda ne bakasombela mu bitanda abi, bualu bena Isalele kabavua benze bualu ebu mushindu eu katshia ku matuku a Yoshua+ muana wa Nuna too ne dituku adi, kuenzabi bua kuikale disanka dinene menemene.+ 18 Bavua babala mukanda wa Mikenji ya Nzambi mulelela ku dituku ku dituku,+ kutuadijila ku dituku dia kumpala too ne ku dituku dia ndekelu. Bakenza tshibilu matuku muanda mutekete, ne dituku dia muanda mukulu bakenza disangisha dia pa buadi, anu muvuabi bilombibue.+

2 Kadi Tshibilu tshia bena Yuda tshia Nzubu ya ntenta*+ tshikavua pabuipi.