11 “‘Ku ntuadijilu kua ngondo yonso* nenulambule Yehowa mulambu wa kuosha wa ngombe milume ibidi itshidi miana, tshimpanga tshia mukoko tshimue ne bana ba mikoko muanda mutekete ba mpanga bimpe ba tshidimu tshimue,+ 12 ne bia dikumi bisatu bia efa wa bukula bunefuke busambakaja ne mafuta bu mulambu wa ntete+ bua ngombe mulume yonso, ne bia dikumi bibidi bia efa wa bukula bunefuke busambakaja ne mafuta bu mulambu wa ntete bua tshimpanga tshia mukoko,+ 13 ne tshia dikumi tshia efa wa bukula bunefuke busambakaja ne mafuta bu mulambu wa ntete bua muana wa mukoko yonso wa mpanga, bu mulambu muosha, dipembu dimpe,*+ mulambu muosha pa kapia bua Yehowa.