6 Nunku Mose wakangata matempu au ne ngombe ayi, kubipeshaye bena Lewi. 7 Wakapesha bana ba balume ba Gêshona matempu abidi ne ngombe mipakula inayi bilondeshile bivuabu nabi dijinga bua midimu yabu;+ 8 ne wakapesha bana ba balume ba Melali matempu anayi ne ngombe mipakula muanda mukulu bilondeshile bivuabu nabi dijinga bua midimu yabu, ku bulombodi bua Itamâ muana wa muakuidi Alona.+ 9 Kadi kakapesha bana ba balume ba Kohata tshintu nansha tshimue bualu midimu yabu ivua itangila mudimu wa muaba wa tshijila,+ ne bavua bambula bintu bia tshijila pa makaya abu.+

2 Dîba adi ke divua Davidi muambe ne: “Muntu nansha umue kena ne bua kuambula Mushete wa Nzambi mulelela, anu bena Lewi, bualu Yehowa mmubasungule bua kuambula Mushete wa Yehowa ne bua kumuenzela mudimu misangu yonso.”+