30 Muntu nansha umue wa kunudi kakubuela mu buloba bumvua muditshipe* bua kunuteka,+ pa kumbusha Kaleba muana wa Yefune ne Yoshua muana wa Nuna.+

65 Bualu Yehowa uvua muambe bua bualu buabu ne: “Kakuyi mpata nebafuile mu tshipela.”+ Nunku kakuvua muntu nansha umue wa kudibu uvua mushale pa kumbusha Kaleba muana wa Yefune ne Yoshua muana wa Nuna to.+

11 ‘Bantu bavua bumbuke mu Ejipitu ba bidimu 20 kubanda kabakumona buloba+ bundi muditshipe kudi Abalahama, kudi Izaka, ne kudi Yakoba+ bua kubapesha to, bualu ki mbandonde ne muoyo mujima to, 12 pa kumbusha Kaleba+ muana wa Yefune muena Kenizi ne Yoshua+ muana wa Nuna, bualu mbalonde Yehowa ne muoyo mujima.’+

35 ‘Muntu nansha umue wa ku bantu aba ba mu tshipungu tshibi etshi kakumona buloba buimpe bumvua muditshipe bua kupesha batatuenu,+ 36 pa kumbusha Kaleba muana wa Yefune. Yeye neabumone, ne nemmupeshe yeye ne bana bende buloba buvuaye mudiate bualu mmulonde Yehowa ne muoyo mujima.*+

6 Pashishe bantu ba mu Yuda bakalua kudi Yoshua ku Gilegala,+ ne Kaleba+ muana wa Yefune muena Kenizi wakamuambila ne: “Udi mumanye bimpe tshivua Yehowa muambile+ Mose muntu wa Nzambi mulelela+ buebe wewe ne buanyi meme ku Kadeshe-bânea.+