19 “Udi ne bua kulua ne bintu bitambe buimpe bia ku bintu bidi bikola bia kumpala bia mu budimi buebe ku nzubu wa Yehowa Nzambi webe.+

“Kuena ne bua kulambila kana ka mbuji mu mabele a mamuaku to.+

14 “‘Wewe mulue ne mulambu wa ntete wa bintu bia pa madimi bidi bikola bia kumpala kudi Yehowa, neulue ne ntete mipiamipia* mikanga pa kapia, ntete mipiamipia mitua kayiyi mibotesha bimpe, bu mulambu wa ntete wa bintu biebe bidi bikola bia kumpala.+

8 Yehowa wakambila kabidi Alona ne: “Meme ndi mukuteke bua kutangila bintu bionso bidibu bampesha.+ Ndi mukupeshe wewe ne bana bebe ba balume tshitupa tshia bintu bionso bia tshijila bidi bena Isalele bafila bu tshitupa tshikalabu bakupesha bua kashidi.+

12 “Mafuta onso a mimpe menemene ne mvinyo mupiamupia yonso wa muimpe menemene ne ntete, bintu biabu bia kumpala bia pa madimi,+ bidibu bapesha Yehowa, meme ndi nkupeshabi.+

26 “Ndekelu wa bionso, paudi ubuela mu buloba budi Yehowa Nzambi webe ukupesha bu bumpianyi, paudi ubuangata ne usombamu, 2 udi ne bua kuangata ndambu wa bintu bia kumpala bia ku bintu bionso* bia mu budimi biwapuola mu buloba budi Yehowa Nzambi webe ukupesha, kubiela mu tshisaka ne kuya muaba udi Yehowa Nzambi webe usungula bua dîna diende disombele.+