39 Nunku muakuidi Eleazâ wakangata bintu bia kuambuila kapia bia tshiamu tshia mitaku bivua bantu bavuabu buoshe balue nabi, bobu kubibatalaja bua kubilamika ku tshioshelu, 40 anu muvua Yehowa mumuambile ku butuangaji bua Mose. Tshivua divuluija bua bena Isalele ne: muntu udibu kabayi banyishile* udi kayi wa mu bana ba Alona kena ne bua kulua bua kuosha musenga wa manananshi kumpala kua Yehowa to,+ ne bua muntu nansha umue kalu bu Kola ne bena diende.+

19 Kadi Nzambi wakashipa bantu ba mu Bete-shemeshe, bualu bavua batangile Mushete wa Yehowa. Wakashipa bantu 50 070* munkatshi mua bantu abu, ne bantu kutuadijabu kudila bualu Yehowa uvua mushipe bantu dishipa dia dikema.+

16 Kadi diakamue pakaluaye ne bukole, muoyo wende wakadibandisha kumufikishabi ku dibutuka, ne wakapanga lulamatu kudi Yehowa Nzambi wende pa kubuela mu ntempelo wa Yehowa bua kuosha musenga wa manananshi pa tshioshelu tshia musenga wa manananshi.+

18 Bakimanyina mukalenge Uziya, kumuambilabu ne: “Uziya, ki mbianyishibue bua wewe kuoshela Yehowa musenga wa manananshi to!+ Anu bakuidi ke badi ne bua kuosha musenga wa manananshi, bualu badi ndelanganyi ya Alona,+ bantu badibu bajidile. Patuka muaba munsantu eu, bualu udi mupange lulamatu ne kuakupeta butumbi kudi Yehowa bua bualu ebu nansha kakese.”