13 Pawabumona, wewe pebe neusangishibue kudi bena mu tshisamba tshienu*+ anu muvua muanenu Alona musangishibue kudibu,+ 14 bualu pavua tshisumbu tshitande nanyi mu tshipela tshia Sine, nuenu nuvua babenge kutumikila dîyi dianyi bua kunjidila kumpala kuabu ku diambuluisha dia mâyi.+ (Au mmâyi a Meliba+ ku Kadeshe+ mu tshipela tshia Sine.)”+

27 Banda ku mutu kua Pisega,+ utangile ku ouest, ku nord, ku sud ne ku est, ne umone buloba abu ne mêsu ebe, bualu kuakusabuka Yadene eu to.+

4 Ke Yehowa kumuambila ne: “Ebu ke buloba bumvua muditshipe kudi Abalahama, Izaka, ne Yakoba, muambe ne: ‘Nembupeshe bana* bebe.’+ Ndi mukulekele bua ubumone ne mêsu ebe, kadi kuakusabuka dia muamua to.”+

5 Pashishe Mose muena mudimu wa Yehowa wakafuila muaba au mu buloba bua Moaba anu muvua Yehowa muambe.+