26 “‘Kanuena ne bua kudienzela nzambi idi kayiyi ne mushinga,+ kanuena ne bua kudimanyikila lupingu lusonga+ anyi dikunji dia tshijila, ne kanuena ne bua kuteka lupingu lua dibue+ mu buloba buenu bua kuluinamina;+ bualu meme ndi Yehowa Nzambi wenu.

15 “Nunku nudimuke bikole,* bu munuvua kanuyi bamone tshintu nansha tshimue dituku divua Yehowa muakuile nenu munkatshi mua kapia mu Holeba, 16 bua kanuenji bualu bubi pa kudienzela lupingu lusonga nansha lua mushindu kayi ludi ne tshimuenekelu tshia tshintu kayi tshionso, tshimfuanyi tshia mulume anyi tshia mukaji,+

23 Nudimuke bua kanupu muoyo tshipungidi tshia Yehowa Nzambi wenu tshivuaye mudie nenu,+ ne kanudienzedi lupingu lusonga, mmumue ne: tshimfuanyi tshia tshintu kayi tshionso tshidi Yehowa Nzambi webe mukukandike.+

15 “‘Mulawu wikale kudi muntu udi wenza lupingu lusonga+ anyi lupingu lua tshiamu,*+ ne udi mulusokoke, bualu ntshintu tshibi kumpala kua Yehowa,+ mmudimu wa ku bianza bia nsenda.’* (Bantu bonso nebandamune, bamba ne: ‘Amen!’*)

29 “Ke bualu kayi, bu mutudi bana* ba Nzambi,+ katuena ne bua kuela meji ne: Nzambi udi bu or anyi arjan anyi bu dibue, bu tshintu tshisonga ne lungenyi ne meji a bantu to.+