25 “Wewe mupete bana ne bikulu ne nuenu basombe matuku a bungi mu buloba ebu, nuenu benze bualu bubi, ne benze lupingu lusonga+ nansha lua mushindu kayi, ne wewe muenze bualu bubi ku mêsu kua Yehowa Nzambi webe bua kumufiikisha munda,+ 26 ndi ngangata diulu ne buloba bu bantemu kunudi lelu eu ne: kakuyi mpata nenujimine ne lukasa mu buloba bunudi nusabukila Yadene bua kuangata. Kanuakunengamu matuku a bungi to, kadi nenubutudibue butubutu.+

17 “Kadi bikala muoyo webe mukudimuke,+ wewe mubenge kuteleja, ne bobu bakusesuishe ne wewe muinamine nzambi mikuabu ne muyenzele mudimu,+ 18 ndi nnuambila lelu ne: nenujimine bulelela.+ Kanuakushala ne muoyo matuku a bungi mu buloba bunudi nusabukila Yadene bua kuangata.

12 “Kadi nuenu bakudimuke ne balamate bantu badi bashale ba mu bisamba ebi bidi bishale+ nenu, ne nuenu badie nabu bipungidi bia diselangana*+ ne badisange nabu ne bobu badisange nenu, 13 numanye bimpe ne: Yehowa Nzambi wenu kakutungunuka ne kunuipatshila* bisamba ebi to.+ Nebilue bu dijimba ne buteyi, bu mfimbu mu mbese yenu,+ ne bu mêba mu mêsu enu too ne panuajimina mu buloba buimpe ebu budi Yehowa Nzambi wenu munupeshe.