14 Ke Yehowa kuambila Mose ne: “Funda bualu ebu mu mukanda bu tshivulukilu* ne ubuambuluile Yoshua ne: ‘Nenjimije Amaleka muinshi mua diulu kashidi, kabakumuvuluka kabidi to.’”+

47 Shaula wakajadika bukalenge buende bikole mu Isalele ne wakaluangana ne bena lukuna bende bonso ku nseke yonso, kuluanganaye ne bena Moaba+ ne bena Amona+ ne bena Edome+ ne bakalenge ba Soba+ ne bena Peleshete;+ muaba wonso uvuaye uya, uvua ubatshimuna. 48 Wakaluangana ne bukitu buonso, yeye kutshimuna bena Amaleka+ ne kusungila Isalele mu tshianza tshia bantu bavua babapawula.

15 Pashishe Samuele wakambila Shaula ne: “Yehowa uvua muntume bua kukuela manyi bu mukalenge wa tshisamba tshiende tshia Isalele;+ mpindieu teleja tshidi Yehowa wamba.+ 2 Yehowa wa biluilu udi wamba ne: ‘Nendumbuluishe bena Amaleka bua tshivuabu benzele bena Isalele pavuabu babaluishe mu njila dîba divuabu bafumina mu Ejipitu.+ 3 Mpindieu ndaku, ushipe bena Amaleka,+ ubabutule bobu ne bionso bidibu nabi.+ Kuena ne bua kubashiya ne muoyo* to; udi ne bua kubashipa,+ bantu balume ne bantu bakaji, bana too ne bana ba mu maboko, ngombe ne mikoko, tumelu ne mpunda.’”+

42 Bamue bena Simeona, bantu 500, bakaya ku mukuna wa Seî+ ne bana ba balume ba Ishi aba: Pelatiya, Nealiya, Lefaya, ne Uziele, bavua babalombole. 43 Bakashipa bantu bavua bashale ba mu bena Amaleka+ bavua bapande, ne bobu mbasombele kuntu aku too ne lelu.