14 Bena Isalele bakenzela Egelona mukalenge wa Moaba mudimu bidimu 18.+

6 Kadi bena Isalele bakenza kabidi malu mabi ku mêsu kua Yehowa,+ nunku Yehowa wakabafila mu tshianza tshia Midiyana bua bidimu muanda mutekete.+ 2 Tshianza tshia Midiyana tshiakakokesha Isalele.+ Bua bualu bua Midiyana, bena Isalele bakenza miaba ya bobu kusokomena* mu mikuna, mu nyongolo, ne mu miaba mikole bua kufika.+ 3 Pavua Isalele ukuna mamiinu, Midiyana ne Amaleka+ ne bena ku Est+ bavua balua kubaluisha. 4 Bavua basa tshitudilu bua kubaluisha, banyanga bia pa madimi bia mu buloba buabu miaba yonso too ne ku Gaza, ne kabavua bashila Isalele tshintu nansha tshimue tshia kudia, nansha mukoko, nansha ngombe, nansha mpunda.+ 5 Bualu bavua babanda ne bimuna biabu ne ntenta yabu bikale bungi bu mpasu,+ ne kabavua mua kubala bungi buabu bobu ne tumelu tuabu,+ ne bavua babuela mu buloba bua kububutula.

27 Bua bualu ebu, uvua mubafile mu tshianza tshia baluishi babu bavua anu babakengesha.+ Kadi bavua badila kuudi mu dikenga diabu,+ ne wewe uvua umvua kumbukila mu diulu; ne bua luse luebe lunene, uvua ubapesha basungidi bua kubasungila mu tshianza tshia baluishi babu.+