6 Nudi ne bua kubilonda bimpe menemene,+ bualu, bualu ebu nebuleje munudi ne meji+ ne lungenyi+ kumpala kua bisamba bikala ne bua kumvua bualu bua mêyi ne mikandu yonso eyi, ne nebiambe ne: ‘Bulelela, tshisamba tshinene etshi ntshisamba tshidi ne meji ne lungenyi.’+

18 dîba adi uvuluke ne: Yehowa Nzambi webe ke udi ukupesha bukokeshi bua kupeta bubanji,+ bua kukumbajaye tshipungidi tshiende tshivuaye muditshipe kudi bankambua bebe, anu mudibi lelu.+

7 “Kadi ikala anu ne dikima ne bukole bua bungi, utumikile ne muoyo mujima Mikenji yonso ivua muena mudimu wanyi Mose mukutumine dîyi bua kutumikila. Kusesukiku, uya ku dia balume anyi ku dia bakaji,+ bua wenze malu ne meji kuonso kuudi uya.+ 8 Mukanda wa Mikenji eu kawumbuki mukana muebe to;+ udi ne bua kuwubala ne dîyi dia panshi panshi* munya ne butuku, bua utumikile ne muoyo mujima malu onso adibu bafundamu;+ bualu dîba adi malu ebe neende bimpe, ne dîba adi newenze malu ne meji.+

3 Udi ne bua kutungunuka ne kuenza malu audi ne bua kuenzela Yehowa Nzambi webe pa kuendela mu njila yende ne pa kutumikila mikenji yende mifunda, mêyi ende, mêyi ende a dilumbuluisha ne mavuluija ende anu mudibi bifunda mu Mikenji ya Mose;+ dîba adi neutute diakalenga* mu malu onso audi wenza ne muaba wonso uudi uya.

28 Kadi yeye wakamba ne: “Tòo, kadi, bantu badi bateleja dîyi dia Nzambi ne badilama ke ba diakalenga!”+