20 Mose kubandamuna ne: “Binuenza bualu ebu: Nuenu bangate bia mvita kumpala kua Yehowa bua kuya ku mvita;+ 21 ne bikala yonso wa kunudi muambule bia mvita, musabuke Yadene kumpala kua Yehowa bu mudiye wipata bena lukuna bende kumpala kuende+ 22 too ne padi buloba bukuatshibua kumpala kua Yehowa,+ dîba adi nudi mua kupingana+ ne kuikala kanuyi ne dipila kumpala kua Yehowa ne kua Isalele. Nunku buloba ebu nebulue buenu kumpala kua Yehowa.+

18 “Ke meme kunutumina dîyi ne: ‘Yehowa Nzambi wenu mmunupeshe buloba ebu bua buikale buenu. Bantu balume benu bonso ba bukitu nebangate bia mvita, nebasabuke kumpala kua bana benu, bena Isalele.+