16 Yehowa wakandamuna Mose ne: “Nsangishila bantu balume 70 ba munkatshi mua bakulu ba mu Isalele, bantu baudi mumanye ne:* mbakulu ne bamfumu ba bantu;+ ulue nabu ku ntenta wa kusambakena, wimane nabu muaba au. 17 Nempueke,+ ne nengakule nebe muaba au,+ nengangate ndambu wa nyuma+ udi pambidi pebe, nemmuteke pambidi pabu, ne bobu nebakuambuluishe bua kuambula bujitu bua bantu aba bua kubuambudi nkayebe to.+

34 Pashishe nyuma wa Yehowa wakatulukila* Gideona,+ yeye kuela mpungi,+ ne bena Abiezê+ kumutuabu mu nyima.

29 Nyuma wa Yehowa wakatulukila Yefeta,+ yeye kupitshila mu Gilada ne mu Manashe bua kuya ku Misepe wa mu Gilada,+ ne wakumbuka ku Misepe wa mu Gilada kuyaye too ne kudi bena Amona.

5 Nunku Shimishona wakapueka ne tatuende ne mamuende ku Timena. Pakafikaye mu madimi a tumuma tua mvinyo a mu Timena, monayi! nyama wa ntambue* wakalua kudiye wenda ukungula! 6 Dîba adi nyuma wa Yehowa wakamupesha bukole,+ yeye kumupandulula mu bipese bibidi anu mutu muntu upandulula muana wa mbuji mu bitupa bibidi ne bianza biende nkayabi. Kadi kakambila tatuende anyi mamuende tshivuaye muenze to.

14 Pakafikaye ku Lehi, bena Peleshete bakela mbila ya disanka pavuabu bamupete. Pashishe nyuma wa Yehowa wakamupesha bukole,+ ne mionji ivua ku maboko ende yakalua bu manda a line muosha kudi kapia, kukopokayi ku bianza biende, yoyi kumata.+

6 Pakumvua Shaula mêyi aa, nyuma wa Nzambi wakamupesha bukole,+ tshiji tshiende kutematshi.

13 Nunku Samuele wakangata lusengu lua manyi,+ kumuelaye manyi kumpala kua bana babu. Kutuadijila anu dituku adi, nyuma wa Yehowa wakatuadija kupesha Davidi bukole.+ Pashishe Samuele wakajuka, kuyaye ku Lama.+

15 Mpindieu nyuma wa Nzambi wakatulukila Azaya muana wa Odede.