19 Malaba mukuabu nebitambe kumueneka ne: kuenaku to; udi ne bua kulua muaba eu uuvua musokome dituku adi* ne ushale pabuipi ne dibue edi. 20 Pashishe nengele mikete isatu ku luseke luadi lumue, bienze bu ne: ndi ngasa tshintu. 21 Pandi ntuma muambuluishi wanyi, nengambe ne: ‘Ndaku, ukebe mikete.’ Meme muambile muambuluishi wanyi ne: ‘Mona! Mikete idi luseke luebe elu, yangata,’ dîba adi udi mua kupingana, bualu bushuwa anu bu mudi Yehowa ne muoyo, bidi biumvuija ne: malu onso adi mu ditalala buebe wewe ne kakuena njiwu to. 22 Kadi meme muambile nsongalume ne: ‘Mona! Mikete idi kumpala kuebe,’ dîba adi uye, bualu Yehowa mmukulekele bua uye.