21 Pashishe Davidi wakaya ku Nobo+ kudi muakuidi Ahimeleke. Ahimeleke wakatuadija kuzakala pavuabu bapetangane ne Davidi, ne wakamuebeja ne: “Bua tshinyi udi nkayebe muntu nansha umue kayi nebe?”+ 2 Davidi wakandamuna muakuidi Ahimeleke ne: “Mukalenge mmungambile bua kuenza bualu kampanda, kadi uvua muambe ne: ‘Muntu nansha umue kamanyi mudimu undi nkutuma bua kuenza ne malu andi mukuambile.’ Ndi mumvuangane ne bantu banyi bua kupetangana nabu muaba kampanda.