16 Pavua Davidi mupite lusongo lua mukuna kakese,+ Siba,+ muambuluishi wa Mefibosheta,+ uvua muaba au bua kusambakena nende muikale ne mpunda ibidi misuikila biseba pa nyima, ne pa mpunda apu pavua mampa 200, mabulu lukama a tumuma tua mvinyo tumisha, mabulu lukama a bimuma bia mu muvu wa luya lukole* biumisha,* ne mulondo munene wa mvinyo.+

27 Diakamue pakafika Davidi ku Mahanayima, Shobi muana wa Nahasha wa ku Laba+ wa bena Amona, Makî+ muana wa Amiele wa ku Lo-debâ, ne Bâzilai+ muena Gilada wa ku Logelima 28 bakalua ne bia kuladila, malongo manene, mabungu, ntete ya blé, ntete ya orje, bukula, ntete mikanga, nkunde minene, nkunde mikese, ntete miumisha, 29 buitshi, manteka, mikoko, ne fromaje.* Bakalua ne bintu bionso ebi bua Davidi ne bantu bavuaye nabu kudiabu,+ bualu bakamba ne: “Bantu badi ne nzala, mbatshioke ne badi ne nyota mu tshipela.”+