14 “‘Bikala muntu musombe buenyi munkatshi muenu, udi pende ne bua kulongoluela Yehowa mulambu wa Pasaka.+ Neenze nunku bilondeshile mukenji mufunda wa Pasaka ne mushindu utubu bamuenza.+ Nekuikale mukenji mufunda wa muomumue buenu nuenu bonso, bua muntu udi musombe buenyi ne bua muena ditunga.’”+

16 Kadi Luta wakamba ne: “Kungenzeji bua meme kukulekela, bua mpingane nkushiya to; bualu nenye muaba uwaya, ne nendale muaba uwalala. Tshisamba tshienu netshikale tshisamba tshietu, ne Nzambi webe neikale Nzambi wanyi.+

15 Pashishe wakapingana kudi muntu wa Nzambi mulelela,+ yeye ne bantu bonso bavuaye nabu,* kuimanaye kumpala kuende, kuambaye ne: “Mpindieu ndi mumanye ne: kakuena Nzambi muaba mukuabu pa buloba bujima to, anu mu Isalele.+ Mpindieu itabaku dipa* dia kudi muena mudimu webe.”

32 “Kabidi bua muntu wa ku babende udi kayi wa mu tshisamba tshiebe tshia Isalele ne udi ufumina ku buloba bua kule bua bualu bua dîna diebe dinene*+ ne bua tshianza tshiebe tshia bukole ne bua diboko diebe diolola, ne yeye udi ulua ne usambila mutangile ku nzubu eu,+ 33 dîba adi utelejaku kumbukila mu diulu, muaba uudi musombele, ne wenze bionso bidi muntu wa ku babende ukulomba, bua bisamba bionso bia pa buloba bimanye dîna diebe+ ne bikutshine, anu mudi tshisamba tshiebe tshia Isalele tshienza, ne bimanye ne: badi babila dîna diebe mu nzubu undi muibake eu.

Milambu yabu ya kuosha mijima ne milambu yabu mikuabu neyitabujibue pa tshioshelu tshianyi.

Bualu nebabikile nzubu wanyi ne: nzubu wa disambila bua bukua bantu buonso.”+

27 Ke yeye kujuka, kuyaye, ne tangilayi, kuvua muntu mutungu* muena Etshiopi uvua ne bukokeshi muinshi mua Kandake, mukalenge mukaji wa bena Etshiopi, uvua ku mutu kua tshibutshilu tshiende tshionso. Uvua muye ku Yelushalema bua kutendelela,+