11 Ke Asa kubikila Yehowa Nzambi wende,+ kuambaye ne: “Yehowa wanyi, buebe wewe kabiena ne bualu nansha baudi wambuluisha bikale ba bungi anyi kabayi ne bukole.+ Tuambuluisha koku, Yehowa Nzambi wetu, bualu tudi tukueyemena,*+ ne tudi balue bua kuluisha musumba wa bantu eu mu dîna diebe.+ Wewe Yehowa udi Nzambi wetu. Kuitabi bua muntu wetu ufuafua eu akupite bukole to.”+

5 Pashishe Yehoshafata wakimana kuulu mu tshisumbu tshia Yuda ne Yelushalema mu nzubu wa Yehowa kumpala kua lubanza lupialupia, 6 kuambaye ne:

“Wewe Yehowa Nzambi wa bankambua betu, wewe kuena Nzambi mu diulu anyi?+ Kuena ne bukokeshi ku mutu kua makalenge onso a bisamba anyi?+ Mu tshianza tshiebe mudi bukokeshi ne bukole, ne muntu nansha umue kena mua kuimana kumpala kuebe to.+