16 Dîba adi kuakupanga kuangatshila bana bebe ba balume bana babu ba bakaji,+ ne bana babu ba bakaji nebende masandi ne nzambi yabu ne nebafikishe bana bebe ba balume ku dienda masandi ne nzambi yabu.+

3 Kuena ne bua kudia nabu bipungidi bia diselangana* to. Kufidi bana bebe ba bakaji kudi bana babu ba balume anyi kuangatshidi bana bebe ba balume bana babu ba bakaji.+

12 “Kadi nuenu bakudimuke ne balamate bantu badi bashale ba mu bisamba ebi bidi bishale+ nenu, ne nuenu badie nabu bipungidi bia diselangana*+ ne badisange nabu ne bobu badisange nenu, 13 numanye bimpe ne: Yehowa Nzambi wenu kakutungunuka ne kunuipatshila* bisamba ebi to.+ Nebilue bu dijimba ne buteyi, bu mfimbu mu mbese yenu,+ ne bu mêba mu mêsu enu too ne panuajimina mu buloba buimpe ebu budi Yehowa Nzambi wenu munupeshe.

14 Lekelayi kudibueja mu tshikokedi tshimue* ne bantu badi kabayi bena kuitabuja,+ bualu kabiena bipetangana to. Bualu mmalanda kayi adi pankatshi pa buakane ne dishipa dia mikenji?+ Anyi ndipetangana kayi didi pankatshi pa butoke ne mîdima?+