2 Asa wakenza malu mimpe ne makane ku mêsu kua Yehowa Nzambi wende. 3 Wakumbusha bioshelu bia nzambi ya ku babende+ ne miaba mitumbuke, kuzazaye makunji a tshijila,+ ne kukosaye mitshi ya tshijila.*+ 4 Wakambila kabidi bena Yuda bua kukeba Yehowa Nzambi wa bankambua babu ne bua kutumikila mikenji yende ne mêyi ende. 5 Nunku wakumbusha miaba mitumbuke ne bioshelu bia musenga wa manananshi+ mu bimenga bionso bia mu Yuda, ne mu bukokeshi buende, bukalenge buakatungunuka kabayi babutatshisha.

11 Ke Asa kubikila Yehowa Nzambi wende,+ kuambaye ne: “Yehowa wanyi, buebe wewe kabiena ne bualu nansha baudi wambuluisha bikale ba bungi anyi kabayi ne bukole.+ Tuambuluisha koku, Yehowa Nzambi wetu, bualu tudi tukueyemena,*+ ne tudi balue bua kuluisha musumba wa bantu eu mu dîna diebe.+ Wewe Yehowa udi Nzambi wetu. Kuitabi bua muntu wetu ufuafua eu akupite bukole to.”+

17 Kadi miaba mitumbuke kayivua miumbusha+ mu Isalele to.+ Nansha nanku, muoyo wa Asa uvua mujima* matuku ende onso a muoyo.*+