10 Bua bualu ebu, ndi ntumina nzubu wa Yalobama dikenga, ne nenjimije* bantu balume bonso* ba kua Yalobama, kusangisha ne bantu badi kabayi ne bukole ne bateketangane ba mu Isalele, ne nenkombe nzubu wa Yalobama ushala munda mutupu,+ anu bu mutu muntu ukomba tumvi tua nyama too ne paditu tujika tuonso! 11 Muntu yonso wa kua Yalobama udi ufuila mu tshimenga, mbua neyimudie; ne muntu yonso udi ufuila mu mpata, nyunyi ya muulu neyimudie, bualu Yehowa mmuambe bualu ebu.”’

29 Diakamue pakaluaye mukalenge, wakashipa bena mu nzubu wa Yalobama bonso. Kakashiya muntu nansha umue wa kua Yalobama upuyakana to; wakababutuisha bonso bilondeshile dîyi dia Yehowa divuaye muambe ku butuangaji bua muena mudimu wende Ahiya muena Shilo.+