15 Nunku wakaya, kuenzaye anu muvua Eliya mumuambile, ne yeye ne ba mu nzubu muende pamue ne Eliya bakadia matuku a bungi.+ 16 Dibungu dinene dia bukula kadiakashala munda mutupu, ne mulondo mukese wa mafuta kawakashala munda mutupu to, bilondeshile dîyi divua Yehowa muambe ku butuangaji bua Eliya.

22 Yehowa wakateleja dilomba dia Eliya,+ ne muoyo* wa muana wakapingana munda muende, yeye kupetulula muoyo.*+

24 Ke mamu au kuambila Eliya ne: “Mpindieu ndi mumanye ne: wewe udi bulelela muntu wa Nzambi,+ ne dîyi dia Yehowa didi mukana muebe mbulelela.”

36 Pabuipi ne dîba dia kufila mulambu wa ntete wa dilolo,+ muprofete Eliya wakasemena, kuambaye ne: “Yehowa wanyi, Nzambi wa Abalahama,+ Izaka+ ne Isalele, enzaku lelu bua bamanye ne: wewe udi Nzambi mu Isalele ne kabidi ne: meme ndi muena mudimu webe ne ndi muenze malu onso aa ku dîyi diebe.+

38 Nunku kapia ka Yehowa kakumbuka mu diulu, kuoshaku mulambu wa kuosha,+ nkunyi, mabue ne buloba, ne kumishaku mâyi avua mu munkoloji.+

46 Kadi tshianza tshia Yehowa tshiakalua kudi Eliya, ne yeye wakajingila bilamba biende mu tshimono, kunyemaye kumpala kua Ahaba too ne ku Yizelele.

8 Pashishe Eliya wakangata tshilamba tshiende tshia mudimu,+ kutshivungaye, kukumaye pa mâyi, ne mâyi akakosoloka, kuyawu ku dia bakaji ne ku dia balume, ne bubidi buabu bakasabukila pa buloba bume.+

11 Pavuabu benda baya, benda bayukila, diakamue ditempu dia kapia ne tubalu tua kapia+ biakabakosolola, ne Eliya wakabanda mu diulu* mu tshipepele tshikole.+

17 Kabidi, neaye kumpala kuende ne nyuma ne bukole bia Eliya,+ bua kupingaja mioyo ya batatu kudi bana,+ ne kupingaja badi kabayi batumikila ku meji adi ambuluisha a bantu bakane, bua kulongoluela Yehowa* bantu bamana kulongolola.”+

19 Ebu mbumanyishi buvua Yone mufile pavua bena Yuda bamutumine bakuidi ne bena Lewi bafumine ku Yelushalema bua kumukonka ne: “Wewe udi nganyi?”+

21 Bakamukonka ne: “Kadi udi nganyi? Udi Eliya anyi?”+ Wakandamuna ne: “Tshiena yeye to.” “Udi Muprofete anyi?”+ Wakandamuna ne: “Tòo!”