20 Ahaba wakambila Eliya ne: “Wewe muena lukuna wanyi, udi mumpete!”+ Wakandamuna ne: “Ndi mukupete. Nzambi mmuambe ne: ‘Bu muudi mudisuike* bua kuenza malu mabi ku mêsu kua Yehowa,+ 21 tangila, ndi nkutumina dikenga, nenkombe panyima pebe ne nembutule muntu mulume yonso* wa kua Ahaba,+ kusangisha ne bantu badi kabayi ne bukole ne badi bateketangane mu Isalele.+

26 ‘“Bushuwa, bu mumvua mumone mashi a Nabota+ ne mashi a bana bende malaba,” ke mudi Yehowa wamba, “Nenkufute+ wewe mu tshitupa tshia buloba etshi menemene,” ke mudi Yehowa wamba.’ Nunku mpindieu muambula, umuimanshe mu tshitupa tshia buloba atshi bilondeshile dîyi dia Yehowa.”+