30 Ahaba muana wa Omeli uvua mubi menemene ku mêsu kua Yehowa kupita bonso bavua kumpala kuende.+ 31 Bienze anu bu ne: kuendela mu mpekatu ya Yalobama+ muana wa Nebata kakuvua kukumbane, Ahaba wakangata kabidi Yezabele+ muana wa Etebâla, mukalenge wa bena Sidona,+ bua ikale mukajende, wakatuadija kuenzela Bâla mudimu+ ne kumuinamina. 32 Wakashila kabidi Bâla tshioshelu ku nzubu* wa Bâla+ uvuaye muibake mu Samalea. 33 Ahaba wakenza kabidi mutshi wa tshijila.*+ Ahaba wakenza malu mabi a bungi bua kufiikisha Yehowa Nzambi wa Isalele munda kupita bakalenge ba Isalele bonso bavua kumpala kuende.