2 “Udi ne bua kuambila bena Isalele ne: ‘Muena Isalele yonso anyi muntu yonso wa ku babende udi musombele mu Isalele udi ufila muanende kudi Moleke nebamushipe kakuyi mpata.+ Bantu ba mu buloba nebamuase mabue too ne padiye ufua. 3 Meme nembenge muntu au, nemmumbushe* munkatshi mua tshisamba tshiabu, bualu mmufile muanende kudi Moleke, ne mmunyange muaba wanyi wa tshijila+ ne mmunyange dîna dianyi dia tshijila.

33 Manashe+ uvua ne bidimu 12 pavuaye mulue mukalenge, ne wakakokesha bidimu 55 mu Yelushalema.+

6 Wakapitshisha kabidi bana bende yeye ba balume mu kapia+ mu Tshibandabanda tshia Muana wa Hinoma;+ wakenza majimbu,+ kubukishaye, kuenzaye malu a mupongo, kutekaye bena mbuku ne bantu badi bamba malu atshilualua.+ Wakenza malu mabi ku mêsu kua Yehowa mu mushindu wa dikema, bua kumufiikisha munda.

31 Mbibake miaba mitumbuke ya Tofete, udi mu Tshibandabanda tshia Muana wa Hinoma,*+ bua kuoshabu bana babu ba balume ne bana babu ba bakaji mu kapia,+ bualu bumvua tshiyi mubatumine dîyi bua kuenza ne butu mene kabuyi nansha buanji kunduila ku muoyo.’*+