31 Wakenza nzubu ya kutendelela pa miaba mitumbuke, kusungulaye bakuidi mu bantu tshianana tshianana, bantu bavua kabayi bena Lewi.+ 32 Yalobama wakajadika kabidi tshibilu mu ngondo wa muanda mukulu, mu dituku dia 15 dia ngondo, anu bu tshibilu tshia mu Yuda.+ Uvua ulambula tuana tua ngombe tuvuaye muenze milambu pa tshioshelu tshivuaye muenze ku Betele,+ ne wakateka bakuidi ku Betele bua miaba mitumbuke ivuaye muenze.

33 Nansha panyima pa bualu ebu bumane kuenzeka, Yalobama kavua mulekele njila wende mubi to, kadi uvua anu usungula bakuidi bua miaba mitumbuke mu bantu tshianana tshianana.+ Muntu yonso uvua musue buakuidi, uvua umuteka muakuidi* wamba ne: “Alue umue wa ku bakuidi bua miaba mitumbuke.”+