31 “‘Kuyi kudi bena mbuku,+ ne kuebeji malu kudi bantu batu bamba malu atshilualua,+ bua kulu mukoya bua malu au. Meme ndi Yehowa Nzambi wenu.

10 Kabena ne bua kusangana munkatshi muebe muntu udi upitshisha muanende wa balume anyi muanende wa bakaji mu kapia,+ muena mbuku,+ muena majimbu,+ muntu udi ukeba bimanyinu bia malu atshilualua,+ muena mupongo,+ 11 muntu udi ulowa bakuabu, muntu udi webeja malu kudi muena mbuku+ anyi kudi muntu udi wamba malu atshilualua,+ anyi muntu udi webeja bafue malu.+

21 Manashe+ uvua ne bidimu 12 pavuaye mulue mukalenge, ne wakakokesha bidimu 55 mu Yelushalema.+ Dîna dia mamuende divua Hefesiba.

6 Wakapitshisha kabidi muanende yeye wa balume mu kapia; wakenza majimbu, kukeba bimanyinu bua kumanya malu atshilualua,+ kutekaye bena mbuku ne bantu badi bamba malu atshilualua.+ Wakenza malu mabi ku mêsu kua Yehowa mu mushindu wa dikema, bua kumufiikisha munda.

19 Bobu banuambile ne: “Nukonke malu kudi bena mbuku anyi kudi bantu batu bambilangana malu atshidi alua batu bakula bu tunyunyi ne banungana,” ki n’Nzambi wabu udi bantu ne bua kukonka malu anyi? Badi ne bua kukonkela badi ne muoyo malu kudi bafue anyi?+