48 Solomo wakenza bintu bionso bua nzubu wa Yehowa: tshioshelu+ tshia or; mêsa a or+ bua kutekapu mampa a dileja; 49 bitekelu bia miendu+ bia or muimpe menemene, bitanu ku dia balume ne bitanu ku dia bakaji kumpala kua nzubu wa munda menemene; ne bilongo bikadi bikanguke,+ miendu, ne tushola tua kukoka natu mikaba ya miendu,* bionso bia or;+ 50 malongo manene, bintu bia kujima nabi kapia,+ bibakudi, makopo,+ ne bintu bia kuambuila kapia,+ bionso bia or muimpe menemene; ne ntaku ya milonda ya biibi bua nzubu wa munda,+ mmumue ne: Muaba Mutambe Tshijila, ne bua biibi bia nzubu wa ntempelo,+ bionso bia or.

7 Mukalenge Kolesha wakapatula kabidi bintu bia mu nzubu wa Yehowa bivua Nebukadenesâ muangate ku Yelushalema ne muteke mu nzubu wa nzambi wende.+

2 Patshivuaye mukokesha kudi mvinyo, Beleshasâ wakatuma dîyi bua balue ne bia kunuina bia or ne bia arjan bivua tatuende Nebukadenesâ muangate mu ntempelo mu Yelushalema,+ bua mukalenge ne bantu bende banene, bakaji bende babanjija, ne bakaji bende bakuabu banuinamu.