41 Mu ngondo wa muanda mutekete, Yishemaele+ muana wa Netanya muana wa Elishama, uvua wa mu ndelanganyi ya bukalenge* ne muikale umue wa ku bantu banene ba mukalenge, wakalua ne bantu bakuabu dikumi kudi Gedaliya muana wa Ahikama ku Misepa.+ Pavuabu badia biakudia pamue ku Misepa, 2 Yishemaele muana wa Netanya ne bantu dikumi bavua nende bakajuka, kushipabu Gedaliya muana wa Ahikama muana wa Shafana ne muele wa mvita. Nunku wakashipa muntu uvua mukalenge wa Babilona muteke ku mutu kua ditunga.