13 Nunku Samuele wakambila Shaula ne: “Udi muenze bualu bua bupote. Kuena mutumikile dîyi divua Yehowa Nzambi webe mukuambile to.+ Bu wewe muditumikile, Yehowa uvua mua kuenza bua bukalenge buebe bushindame mu Isalele bua kashidi.

22 Ke Samuele kuamba ne: “Yehowa udi usanka bua milambu ya kuosha ne bua milambu mikuabu+ kupita mudiye usanka bua kutumikila dîyi dia Yehowa anyi? Tangila! Kutumikila nkupite mulambu,+ ne kuteya ntema nkupite mafuta+ a bimpanga bia mikoko; 23 bualu buntomboji+ budi muomumue ne mpekatu wa kubukisha,+ ne kuenza malu ne dikamakama kudi muomumue ne kuenza majimbu ne kukukuila mpingu.* Bu muudi mubenge dîyi dia Yehowa,+ yeye pende mmukubenge bua kuikadi kabidi mukalenge to.”+