8 Mpindieu ambila muena mudimu wanyi Davidi ne: ‘Yehowa wa biluilu udi wamba ne: “Mvua mukuangatshile mu mpata ya kudishila nyama, muaba uuvua usaka mikoko,+ bua wewe kulua mulombodi wa tshisamba tshianyi tshia Isalele.+

18 Pakumvua mukalenge Davidi nanku wakalua, kusombaye kumpala kua Yehowa, kuambaye ne: “Wewe Mukalenge Mutambe Bunene Yehowa, meme ndi nganyi? Nzubu wanyi udi ne mushinga kayi bua muudi muye nanyi kule nunku?+ 19 Mukalenge Mutambe Bunene Yehowa, anu bu ne: ki mbikumbane, udi wakula kabidi bua nzubu wa muena mudimu webe too ne mu matuku atshilualua kule menemene; ne bualu ebu budi dilongesha* bua bukua bantu buonso, Mukalenge Mutambe Bunene Yehowa. 20 Muena mudimu webe Davidi neakuambile kabidi tshinyi, Mukalenge Mutambe Bunene Yehowa, paudi wewe mummanye bimpe nunku?+