20 Bua bantu bonso bavua bashale ba mu bena Amole, bena Hiti, bena Pelizi, bena Hiwi, bena Yebuse,+ bavua kabayi ba mu tshisamba tshia Isalele,+ 21 ndelanganyi yabu ivua mishale mu buloba (bantu bavua bena Isalele kabayi bakokeshe bua kubutula), Solomo wakabangata bua kubenzeja midimu mikole ku bukole bu bapika too ne lelu.+ 22 Kadi Solomo kavua muvuije muena Isalele nansha umue mupika to,+ bualu bavua bena mvita bende, bena mudimu bende, bakokeshi ba mu bukalenge buende, banene ba basalayi bende, bamfumu ba bendeshi bende ba matempu ne bendeshi bende ba tubalu. 23 Kuvua bamfumu 550 ba baleji mpala bavua ku mutu kua mudimu wa Solomo, bamfumu aba bavua ku mutu kua bantu bavua benza mudimu.+