10 Mpindieu mukalenge mukaji wa ku Sheba wakumvua lumu lua Solomo mu diumvuangana ne dîna dia Yehowa;+ nunku wakalua bua kumuteta ne nkonko mikole.*+ 2 Wakafika mu Yelushalema muikale ne tshisumbu tshinene tshia bantu,*+ ne tumelu tuambule mafuta a mutshi wa bome+ ne or wa bungi menemene ne mabue a mushinga mukole. Wakabuela kudi Solomo ne kumuambilaye malu onso avuaye nawu ku muoyo. 3 Nunku Solomo wakandamuna nkonko yende yonso. Kakuvua bualu nansha bumue buvua butambe kukolela* mukalenge bua kumumvuija to.