11 Tshisumbu tshia mazuwa a Hilama tshivua tshiambula or ku Ofî+ tshivua tshilua kabidi ne mitshi ya algumime+ ya bungi menemene, ne mabue a mushinga mukole,+ tshiumbukila ku Ofî. 12 Mukalenge wakangata mitshi ya algumime ayi kuenzaye nayi bipanda bivua bikuata nzubu wa Yehowa ne nzubu* wa mukalenge, kuenzaye kabidi nzenze ne biombelu bia nshinga bua bimbi ba misambu.+ Kakutu kuanji kubuela kabidi mitshi ya algumime ya mushindu eu ne kabatu banji kuyimona kabidi too ne lelu to.