11 Nenuye ne bintu bionso bindi nnuambila muaba udi Yehowa Nzambi wenu usungula bua dîna diende disombele:+ milambu yenu ya kuosha, milambu yenu mikuabu, bia dikumi bienu,+ mapa a ku tshianza tshienu, ne milambu yonso ya kuditshipa nayi inudi nuditshipa bua kupesha Yehowa.

22 Ke Davidi kuamba ne: “Eu nnzubu wa Yehowa Nzambi mulelela, ne etshi ntshioshelu bua mulambu wa kuosha bua Isalele.”+

8 Diakamue pakumvua Asa mêyi aa ne dîyi dia buprofete dia muprofete Odede, wakapeta dikima, kumbushaye mpingu ya muendi mu buloba buonso bua Yuda+ ne bua Benyamina ne mu bimenga bivuaye mukuate mu buloba bua mikuna bua Efelayima, ne wakalongolola tshioshelu tshia Yehowa tshivua kumpala kua lutanda lua Yehowa.+ 9 Wakasangisha kabidi Yuda mujima ne Benyamina ne bantu bavua basombe buenyi bavuabu nabu ba ku Efelayima ne Manashe ne Simeona,+ bualu bavua banyeme Isalele ba bungi menemene baye kudiye pavuabu bamone ne: Yehowa Nzambi wende uvua nende.

10 Nunku bafidi ba mikanda* bakaya mu tshimenga ne mu tshimenga mu buloba buonso bua Efelayima ne bua Manashe,+ kuyabu too ne ku Zebulona, kadi bantu bavua babaneka ne babaseka.+ 11 Tshidibi bamue bantu ba mu Ashê, mu Manashe, ne mu Zebulona bakadipuekesha, kuluabu ku Yelushalema.+