29 “Udi mumone mudi Ahaba mudipuekeshe bua bualu buanyi anyi?+ Bu mudiye mudipuekeshe kumpala kuanyi, tshiakutuma dikenga patshidiye ne muoyo to. Nentume dikenga mu nzubu muende mu matuku a muanende.”+

26 Kadi bua mukalenge wa Yuda uvua munutume bua kuebeja Yehowa malu, nudi ne bua kumuambila nunku: “Yehowa Nzambi wa Isalele udi wamba ne: ‘Bua mêyi audi mumvue,+ 27 bu muvua muoyo webe munyingalale* ne bu muuvua mudipuekeshe kumpala kua Nzambi pauvua mumvue mêyi ende adi atangila muaba eu ne bantu badimu, ne bu muuvua mudipuekeshe kumpala kuanyi, mudipande bilamba, ne mudile kumpala kuanyi, meme panyi ndi mukumvue,+ ke mudi Yehowa wamba.